عبر فايس بوك 2 يوليو 2021
ابياتي ماشي ملسقة في كل حرف نحسب
ـــــــــــــــــــــــــــ
الريشة بكات بحرقة و دموعها بدأت تكتب
ـــــــــــــــــــــــــــ
كلام موزون في ورقة حروفه تسمع القلب
ـــــــــــــــــــــــــــ
بصوت عالي فالطبقة يقلب ميزان الحرب
ـــــــــــــــــــــــــــ
الاحداث جات ملسقة والسيناريو مرتب
كل خطرة تجوز ورقة كل مرة شكون ينسب
ـــــــــــــــــــــــــــ
ياك المرحلة موثقة حتى الفيلم ما يركب
خلو التاريخ بلا سرقة الحراك ملك الشعب
ـــــــــــــــــــــــــــ
كي كسر القيود فالزنقة كنتو كامل فاللعب
اطلقتو شحال من طلقة حبيتوها تلهب
بأموامر مطبقة تسجن و تعذب
والناس ديمام واثقة بالسلمية تكسب
ـــــــــــــــــــــــــــ
ولي لعبو على الغلقة ياك كانو فالمنصب
بالسيوف والنجوم معلقة شفناها تتقلب
ـــــــــــــــــــــــــــ
والحالة راهي لاحقة غير ديرو الواجب
جابو وجوه مطابقة شفنا منهم العجب
ـــــــــــــــــــــــــــ
لحكاية راهي غامقة كلمة الحق تغلب
ما نخلو بلادنا غارقة بساس مبني على الكذب
ـــــــــــــــــــــــــــ
أرضنا راهي موافقة من الحرية تشرب
قضيتنا راهي صادقة و شمسنا ما تغرب
بأفكار كانت خارقة في قلب الجاهل تضرب
جمعت الحقول المفرقة وعلاتلو المنصب
ـــــــــــــــــــــــــــ
والشجرة راهي معرقة محال منها تهرب
مخصناش الدزاير المزوقة النهضة هي المطلب.
